प्यारा देवानंद

१९/०२/२०१७
.
. 
सौ साल पहले, मुझे तुमसे प्यार था.. ये मौसम.. ऊफ यूँ मा, आणि सगळयात मोहवणारं, जिया ओ.. जिया ओ जिया, कुछ बोल दो.. अर्थातच, " जब प्यार किसीसे होता है! "
आधी चांगली देवानंद आणि आशा पारेख ची प्रेम कथा होती! इंटरव्हल पर्यंत सगळी छान छान गाणी संपवून तो अचानक विनोदी सिनेमा झाला! म्हणजे काय झालं, देवानंद ने चक्क काळ्याकातळां वर, कोसळणार्या पर्वत कड्यांवर फायटींग सुरू केली ; ती ही कोणाबरोबर तर, तरण्याबांड प्राण बरोबर! पाहिली आहे तुम्ही देवानंद ची सिनेमातली फायटींग? जाँनी मेरा नाम.. . आठवतोय? तेव्हां ही हेमामालिनी बरोबर रोमांटिक गाणी म्हणत, प्रेम करून, शेवटी त्याला प्राण बरोबर च फायटिंग करावी लागली होती! इतकी विनोदी! मी पण त्याला बसल्या जागेवरून भरपूर सूचना दिल्या, " अरे यहाँ से, अरे वहाँ से, छोडना नहीं, झुक जा यार! " तो माझं न ऐकताच, आपल्या केसाचा कोंबडा सांभाळत, हवे तस्से हात मारत होता! खूप मजा आली! शेवटी देवानंद तो देवानंद ना! जुन्या स्मृतींना उजाळा देण्यासाठी " जब प्यार किसीसे होता है ! " पहात होते you tube वर !!