डबल ब्यारल

'
.
.
, , माझ्या मैत्रिणीच्या मुलीचं नाव निशीगंधा मुरलीमोहन माडखोलकर! मालगाडी सारख्या ह्या नावाला ती इतकी वैतागायची, आईला म्हणायची , " बाबांचं नाव, आडनाव बदलता येत नाही! पण माझं नाव तरी छोटं ठेवायचं! अगदी ऊ नाहीतर ठू ठेवलं असतं तरी चाललं असतं! ढ ठेवलं असतंस तरी चाललं असतं! पण हे काय अगडबंब नाव ठेवलंय? " कोणताही form भरताना तिचं संपूर्ण नाव त्या चौकोनात मावायचं नाही! तिने पण केला होता, " लग्न करेन तर एकाक्शरी आडनावाच्या मुलाशी! त्यातून त्याचं नाव ही एकाक्शरी असलं तर सोने पे सुहागा! "
, , बरीच वर्ष आम्ही तिच्या सर्व मावश्या, पै, रे डे, अशी एकाक्शरी आडनावाची मुलं भेटली की वेळ न दवडता तिला माहिती द्यायचो! एकदाचं तिने लग्न केलं! प्रेम विवाह! स्वत: निवडलेला मुलगा! त्याचं नाव भारतभूषण इचलकरंजीकर!
, . तेव्हां माहेरचं आणि सासरचं, असं डबलब्यारल आडनाव लावायची फ्याशन ऐन भरात होती. आता आमची निशीगंधा भारतभूषण माडखोलकर इचलकरंजीकर, आपल्या नावाचं स्पेलिंग forms च्या चौकोनात कसं बसवणार ह्याचीच आम्हां मैत्रिणींना काळजी पडली होती